شعار ما
باران، قطراتی برای نو شدن

جمعه, ۱۷ اردیبهشت , ۱۴۰۰ 26 رمضان 1442 Friday, 7 May , 2021 ساعت ×
بارانی ڕەحمەت: دەرچوونی یاران بۆ حەبەشستان و دەرچوونی «بنی هاشم» و «بنی مطّلب» لە مەککە و مانەوەیان لە شەعبا
23 فروردین 1400 - 19:11
شناسه : 703
بازدید 16
0
بارانی ڕەحمەت بارانی ڕەحمەت: دەرچوونی یاران بۆ حەبەشستان و دەرچوونی «بنی هاشم» و «بنی مطّلب» لە مەککە و مانەوەیان لە شەعبا
ارسال توسط : نویسنده : ماموستا عبدالکریم مدرس منبع : کتاب بارانی ڕەحمەت
پ
پ

جا بۆ دەفعی شەڕ لە گیانی یاران

هەم بۆ نەشری دین لە ڕووی دیاران

ئیجازەی فەرموو «نبيّ الرّحمة»

یارانی بڕۆن بۆلای «اصحَمه»

جا هیجرەتیان کرد یارانی بێغەش

بۆلای ئەسحەمە نەجاشی حەبەش

ئەویش بە مەردی و شیرین ڕەفتاری

موقیمی کردن بێ دڵ ئازاری

کۆمەکی کردن بە بەرزی هیممەت

بە ماڵ و سەروەت، بە جاهـ و حورمەت

کە تێ گەیشتن کوففار لە خۆیان

هیجرەتی ئەسحاب زیان بوو بۆیان

لایێ شۆرەتە بۆ دینی ئیسلام

بە تێکۆشینی ئەسحابی کیڕام

لەلایێ حەبەش ئەکەن بە ڕەفیق

ئەگەر فرسەتیان پێ بدا تەوفیق

لایێ خۆش ئەکەن جێگە و مەئوایان

بۆ موسوڵمانێ بڕوا بۆلایان

چونکی خۆ ئەگەرن بە ماڵ و سەروەت

مەیدانیان هەیە لەبۆ کەسابەت

زوو بە پەلە پەل کوففاری ناشی

قاسیدیان ڕێخست بۆلای نەجاشی

لەگەڵ دیاری نایاب و جوان

بەڵکوو ئەو شایە گوێبگرێ لەوان

کۆچ کردووەکان بنێرێتەوە

هەرکەسیش ئەڕوا بیگێڕێتەوە

ئەمما نەجاشی بە نامووس و عەرز

ئەسحابی پاراست بە ئەخلاقی بەرز

وەفدی حیجازی تەواو تێگەیان

ئێمە قەومێکین ئەشراف و ئەعیان

دایم حازرین بۆ پەنای زەعیف

جا نەخوازەڵا لە قەومی شەریف

ئەم ئەسحابانە گشت بە ئەخلاقن

بە دین و ئایین، بەرزی ئافاقن

هەموو بە شەعبی خۆمیان ئەزانم

ئەیان پارێزم تا ماوە گیانم

هەر کەسێکی کەیش کە بێ بۆ حەبەش

وەرئەگرێ بۆ خۆی لە کۆمەکی، بەش

جا وەفدی کوففار بە دڵ شکاوی

هاتنەوە مەککە زۆر بە داماوی

هەر لەم لایشەوە دوو هۆزی غالیب

بەنی هاشم و بەنی موتتەلیب

یەک کەوتن لەبۆ کۆمەکی حەزرەت

کەوتنە ئیزهاری نامووس و غیرەت

بۆیە هەر ئەوان مەحسووبن بە ئال

هەر بۆ ئەوانە مایە و پایەی عال

کە ئەمیانە دی قوڕەیشی کوففار

ترسان لە وزعی ڕەسوولی نازدار

گشت بە ئیتتیفاق پەیمانێکیان کرد

پەیمان نامەیان نووسی دەست و برد

هەموو بەری بن لەم دوو عەشرەتە

کە دڵیان لەسەر یاری حەزرەتە

چوون لە مەبدەئا لەمان جیاوازن

ژنیان نەدەنێ و لێیان نەخوازن

نەکەن لەگەڵیان خەرید و فرۆش

نەڕۆن بۆلایان نە ساغ نە نەخۆش

هەتا موحەممەد ئاوارە نەکەن

بێکەس و دەست و بێچارە نەکەن

ئەم پەیمان نامەی ناباری سەعبە

بردیان هەڵیان واست لە ماڵی کەعبە

فەقەت ئەو کەسەی ئەمەیە نووسی

تووشی شەلەل هات دەستی بنووسی

بەڵێ زۆر دەستی نووسەری پەستی

ماری ئەدبار و بەدبەختی گەستی

خۆلاسە خزمان بەمە «مَحْصور» بوون

ڕۆیشتنە کێو و لە مەککە دوور بوون

لەوەی مانەوە هەتاکوو سێ ساڵ

بە تەنگی وەزع و بە تاڵی ئەحواڵ

ثبت دیدگاه

  • دیدگاه های ارسال شده توسط شما، پس از تایید توسط تیم مدیریت در وب منتشر خواهد شد.
  • پیام هایی که حاوی تهمت یا افترا باشد منتشر نخواهد شد.
  • پیام هایی که به غیر از زبان فارسی یا غیر مرتبط باشد منتشر نخواهد شد.